കോഴിക്കോട്: മുസ്‌ലിം സമുദായത്തെ കുറ്റപ്പെടുത്തി സംസാരിച്ചത് തെറ്റായിപ്പോയെന്നും ചിലര്‍ നിരന്തരം ആക്ഷേപിച്ചപ്പോള്‍ തിരികെ പറഞ്ഞു പോയതാണെന്നും പി.സി ജോര്‍ജ്. എസ്.ഡി.പി.ഐ ആയിരുന്നു തനിക്കെതിരായ പ്രചാരണത്തിന് പിന്നില്‍.

ഇനി കുറ്റപ്പെടുത്തലുകള്‍ ഇല്ലാതെനോക്കാമെന്നും ഈരാറ്റുപേട്ടയിലെ മുസ്‌ലിം വോട്ട് നഷ്ടപ്പെട്ടതാണ് തെരത്തെടുപ്പ് തോല്‍വിക്ക് കാരണമെന്നും പി.സി ജോര്‍ജ് കോഴിക്കോട്ട് പറഞ്ഞു. കേരളത്തിനാവശ്യമില്ലാത്ത പദ്ധതിയാണ് കെ റെയില്‍. ഇരകളോട് സംസാരിക്കാന്‍ പിണറായി തയാറാവുന്നില്ലെന്നും പി.സി ജോര്‍ജ് പറഞ്ഞു.

ആക്രി കച്ചവടത്തിനാണ് കെ റെയില്‍ നടത്തുന്നത്. 15000 കോടിയുടെ അഴിമതിയാണ് സില്‍വര്‍ ലൈന്‍ പദ്ധതിയെന്നും അദ്ദേഹം ആരോപിച്ചു.