ലഖ്‌നൗ
ബി.ജെ.പി പാമ്പാണെങ്കിൽ താൻ കീരിയാണെന്നു കഴിഞ്ഞ ദിവസം യോഗി ആദിത്യനാഥ് മന്ത്രിസഭയിൽനിന്നു രാജിവച്ച മന്ത്രി സ്വാമി പ്രസാദ് മൗര്യ. മൗര്യ രാജിവച്ചതിനു പിന്നാലെ ഏഴു വർഷം മുൻപുള്ള കേസിൽ അദ്ദേഹത്തിനെതിരേ അറസ്റ്റ് വാറൻഡ് പുറപ്പെടുവിച്ചിരുന്നു.
ആർ.എസ്.എസ് മൂർഖനും ബി.ജെ.പി പാമ്പുമാണ്. എന്നാൽ താൻ കീരിയാണെന്നും അദ്ദേഹം പറഞ്ഞു.
ദേശീയ മാധ്യമത്തിന് നൽകിയ അഭിമുഖത്തിലാണ് മൗര്യ ബി.ജെ.പിക്കെതിരേ തുറന്നടിച്ചത്. ദലിതുകൾ, തൊഴിൽ രഹിതർ, കർഷകർ തുടങ്ങിയ ജനവിഭാഗങ്ങളെ ബി.ജെ.പി വഞ്ചിച്ചുവെന്നും അദ്ദേഹം പറഞ്ഞു.