റിയാദ്: സഊദി അൽ മാവാരിദ് ഹോൾഡിങ് കമ്പനി ഉടമ ഖാലിദ് ബിൻ അബ്ദുല്ലാഹ് രാജകുമാരൻ അന്തരിച്ചു. 83 വയസായിരുന്നു. സഊദി രാഷ്‌ട്ര പിതാവ് അബ്ദുൽ അസീസ് രാജാവിന്റെ സഹോദരൻ അബ്ദുല്ലാഹ് ബിൻ അബ്‌ദുറഹ്‌മാൻ അൽ ഫൈസസലിന്റെ പുത്രനും മകൾ അൽ ജൗഹറ രാജകുമാരിയുടെ ഭർത്താവുമാണ്. കുതിര പന്തയത്തോടും സവാരിയോടും ഏറെ താൽപര്യമുള്ളയാളായിരുന്നു അന്തരിച്ച ഖാലിദ് ബിൻ അബ്ദുല്ലാഹ് രാജകുമാരൻ. 

      ലോകത്തെ ഏറ്റവും മികച്ച കുതിര ഫാമുകളിൽ ബ്രിട്ടനിലെ ഒന്നായ ഗുഡ്‌മോണ്ട് ഇദ്ദേഹമാണ് സ്ഥാപിച്ചത്. മുപ്പത് വർഷം അന്താരാഷ്‌ട്ര കുതിര ചാപ്യൻഷിപ്പിൽ അദ്ദേഹം പങ്കെടുക്കുകയും ചെയ്‌തിട്ടുണ്ട്‌. ഫോബ്‌സ് മാസികയുടെ കണക്കുകൾ പ്രകാരം 1990 ൽ ഇദ്ദേഹത്തിന്റെ ആസ്‌തി ഒരു ബില്യൺ ഡോളർ ആണെന്നായിരുന്നു കണക്കുകൾ.