റിയാദ്: സഊദിയിൽ സ്‌കൂളുകൾ തത്ക്കാലം തുറക്കുകയില്ലെന്നും ഓൺലൈൻ വഴി ക്ളാസുകൾ തുടരുമെന്നും വിദ്യാഭ്യാസ മന്ത്രാലയം അറിയിച്ചു. രണ്ടാം സെമസ്റ്റർ അടുത്ത ആഴ്ച ആരംഭിക്കാനിരിക്കെയാണ് ഇക്കാര്യം അറിയിച്ചത്. രണ്ടാം ടേമിൽ പത്താം ആഴ്ച അവസാനിക്കുന്നതുവരെ വിദ്യാർത്ഥികൾ വിദൂര പഠന സംവിധാനം തുടരുമെന്നാണ് മന്ത്രാലയം വ്യക്തമാക്കിയത്.

    പൊതു വിദ്യാഭ്യാസം, സർവകലാശാലകൾ, സാങ്കേതിക പരിശീലനം എന്നിവയെല്ലാം ഓൺലൈൻ വഴിയായിരിക്കും നടക്കുക. ഒന്നാം ടേം വിദൂരവിദ്യാഭ്യാസത്തിന്റെ വിജയത്തെത്തുടർന്ന് രണ്ടാം ടേമിന്റെ പത്താം ആഴ്ച അവസാനിക്കുന്നതുവരെ വിദ്യാർത്ഥികൾ ഓൺലൈൻ വഴിയുള്ള പഠനം തുടരുമെന്ന് മന്ത്രാലയം പ്രസ്‌താവനയിൽ അറിയിച്ചു.