കൊച്ചി: സംസ്ഥാനത്ത് മണ്ണെണ്ണ വില വര്‍ധിപ്പിച്ചു. ലിറ്ററിന് 1.80 പൈസയാണ് വര്‍ധിപ്പിച്ചത്. വര്‍ധനവോടെ മണ്ണെണ്ണ ലിറ്ററിന് 18 രൂപയായി. ലിറ്ററിന് ഒരു രൂപയും പ്രൈസ് അഡ്ജസ്റ്റ്‌മെന്റിനായി 80 പൈസയുമാണ് വര്‍ധിപ്പിച്ചത്.
സിവില്‍ സപ്ലൈസ് വകുപ്പാണ് വില വര്‍ധിപ്പിച്ചത്. ഏറ്റവും കൂടിയ വില വര്‍ധനവ് തൃശൂരാണ്. ഇവിടെ രണ്ടു രൂപയാണ് വര്‍ധിപ്പിച്ചത്. മറ്റ് ജില്ലകളില്‍ ഇത് 1.45 രൂപയാണ് വര്‍ധിക്കുക. വില വര്‍ധിപ്പിച്ചതിലൂടെ മാസം ഒരു കോടി രൂപയുടെ അധിക വരുമാനമാണ് വകുപ്പിന് ലഭിക്കുക.