കൊല്ലം: മണ്‍റോ തുരുത്തില്‍ വീടിനുള്ളില്‍ ദമ്പതികളെ മരിച്ച നിലയില്‍ കണ്ടെത്തി. നെന്മേനി സ്വദേശി പുരുഷോത്തമന്‍ (75), ഭാര്യ വിലാസിനി (65) എന്നിവരുടെ മൃതദേഹങ്ങളാണ് കണ്ടെത്തിയത്.

ദമ്പതികളെ രണ്ട് ദിവസമായി കാണാതായതോടെ രാത്രിയില്‍ ബന്ധുക്കളെത്തി പരിശോധിക്കുമ്പോള്‍ കതക് അടഞ്ഞ് നിലയിലാണ് കണ്ടെത്തിയത്. തുടര്‍ന്ന് പൊലീസിന്റെ സാന്നിധ്യത്തില്‍ വാതില്‍ പൊളിച്ച് അകത്തു കയറി പരിശോധിച്ചപ്പോഴാണ് പുരുഷോത്തമനെ തൂങ്ങി മരിച്ച നിലയിലും അടുത്ത മുറിയില്‍ രക്തത്തില്‍ കുളിച്ച് മരിച്ച നിലയില്‍ വിലാസിനിയുടെ മൃതദേഹവും കണ്ടെത്തിയത്.

ഭാര്യയെ വെട്ടിക്കൊന്ന ശേഷം പുരുഷോത്തമന്‍ തൂങ്ങി മരിച്ചതാകാമെന്നാണ് പൊലിസിന്റെ പ്രാഥമിക നിഗമനം. വീടിന്റെ ഭിത്തിയില്‍ നിന്ന് ആത്മഹത്യ കുറിപ്പ് കണ്ടെത്തിയിട്ടുണ്ട്.