സ്വന്തം ലേഖകൻ
കൊച്ചി
സംസ്ഥാനത്ത് പൊലിസുകാരിൽ കൂട്ടത്തോടെ കൊവിഡ് പടരുന്നു. ജനങ്ങളുമായി കൂടുതൽ ഇടപെടുന്ന സ്‌റ്റേഷൻ ഡ്യൂട്ടിയിലുള്ള പൊലിസുകാർക്കാണ് കൊവിഡ് ബാധിക്കുന്നത്. രണ്ടാഴ്ചയ്ക്കിടെ 610 പൊലിസുകാർക്കാണ് രോഗം ബാധിച്ചത്. മുപ്പതോളം സ്റ്റേഷനുകളുടെ പ്രവർത്തനമാണ് പ്രതിസന്ധിയിലായിരിക്കുന്നത്. സംസ്ഥാനത്താകെ മുപ്പതോളം സ്റ്റേഷനുകളിൽ അഞ്ചിലേറെ പേർ ഒരുമിച്ചു രോഗികളായതു പ്രതിസന്ധി കൂട്ടി. എന്നാൽ പൊലിസുകാർക്കിടയിൽ രോഗവ്യാപനം ഇല്ലെന്ന് ആരോഗ്യ മന്ത്രി വീണാ ജോർജ് അറിയിച്ചു.