കൊച്ചി: കടയില്‍പോയി സാധനങ്ങള്‍ വാങ്ങിവരാന്‍ വൈകിയതിന് മൂന്നാംക്ലാസുകാരന്റെ കാലുകള്‍ തേപ്പുപെട്ടിയും ചട്ടുകവും വെച്ച് പൊള്ളിച്ചു. പ്രതിയായ അങ്കമാലി സ്വദേശി പ്രിന്‍സ്(21) നെ ജുവനൈല്‍ ജസ്റ്റിസ് ആക്ട്, ഐ.പി.സി വകുപ്പുകള്‍ പ്രകാരം പൊലിസ് അറസ്റ്റ് ചെയ്തു.

കുഞ്ഞിനെ ഇഷ്ടമില്ലാതിരുന്ന പ്രിന്‍സ് പലപ്പോഴും ഉപദ്രവിക്കുമായിരുന്നുവെന്നും പറയുന്നു. കുട്ടിയുടെ സഹോദരീഭര്‍ത്താവാണെന്നാണ് പ്രിന്‍സ് അവകാശപ്പെടുന്നത്. എന്നാല്‍ കുട്ടിയുടെ സഹോദരിയ്ക്ക് പ്രായപൂര്‍ത്തിയായോ എന്ന കാര്യത്തില്‍ വ്യക്തതയില്ല. പെണ്‍കുട്ടിയുടെ ജന്മസര്‍ട്ടിഫിക്കറ്റ് അടക്കമുള്ളവ പരിശോധിച്ച് പ്രായപൂര്‍ത്തിയായിട്ടില്ലെങ്കില്‍ പോക്‌സോ കേസ് ഉള്‍പ്പെടെ ചുമത്തും.