ന്യൂഡല്‍ഹി: 2022 ഇന്ത്യന്‍ പ്രീമിയര്‍ ലീഗ് ക്രിക്കറ്റ് ഇന്ത്യയില്‍ വെച്ചുതന്നെ നടക്കും. കൊവിഡ് രൂക്ഷമാകുന്നതിനാല്‍ സ്റ്റേഡിയങ്ങളിലേക്ക് കാണികള്‍ക്ക് പ്രവേശനമുണ്ടാകില്ല. ബി.സി.സി.ഐ യിലെ മുതിര്‍ന്ന അംഗമാണ് ഇക്കാര്യം അറിയിച്ചത്.

മുംബൈയിലും പുണെയിലും വെച്ചായിരിക്കും എല്ലാ മത്സരങ്ങളും നടത്തുകയെന്നും എ.എന്‍.ഐ റിപ്പോര്‍ട്ട് ചെയ്തു. ജനുവരി 20ന് താരങ്ങളുടെ രജിസ്ട്രേഷന്‍ അവസാനിച്ചു.

ആകെ 1214 താരങ്ങളാണ് ലേലത്തില്‍ പങ്കെടുക്കുക. ഫെബ്രുവരി 12, 13 തീയതികളിലായി ബെംഗളൂരുവില്‍ വെച്ച് താരലേലം നടക്കും. ഇത്തവണ പത്ത് ടീമുകളാണ് ഐ.പി.എല്ലില്‍ മാറ്റുരയ്ക്കുന്നത്.