ദോഹ: ഇന്നലെ ആരംഭിച്ച 2022 ലെ ഫിഫ ലോകകപ്പ് ഖത്തറിനുള്ള ടിക്കറ്റ് വില്‍പ്പന ലോകമെമ്പാടും സൃഷ്ടിച്ചത് വന്‍ ഡിമാന്‍ഡ്. പ്രാരംഭ വില്‍പ്പന ഘട്ടത്തിന്റെ ആദ്യ 24 മണിക്കൂറിനുള്ളില്‍ ലോകമെമ്പാടുമുള്ള ആരാധകര്‍ 1.2 ദശലക്ഷത്തിലധികം ടിക്കറ്റ് അപേക്ഷകളാണ് സമര്‍പ്പിച്ചത്.

ഖത്തര്‍, അര്‍ജന്റീന, മെക്‌സിക്കോ, യുഎസ്എ, യുഎഇ, ഇംഗ്ലണ്ട്, ഇന്ത്യ, സൗദി അറേബ്യ, ബ്രസീല്‍, ഫ്രാന്‍സ് എന്നീ രാജ്യങ്ങളില്‍ നിന്നാണ് ഏറ്റവും കൂടുതല്‍ ഡിമാന്‍ഡ് ലഭിച്ചത്.

2022 ഡിസംബര്‍ 18-ന് ലുസൈല്‍ സ്റ്റേഡിയത്തില്‍ നടക്കുന്ന ഫൈനലിനായി 140,000-ത്തിലധികം ടിക്കറ്റുകളും ഉദ്ഘാടന മത്സരത്തിനായി 80,000-ത്തിലധികം ടിക്കറ്റുകളും ബുക്ക് ചെയ്യപ്പെട്ടു.

• 2022 ഫെബ്രുവരി 8-ന് ദോഹ സമയം ഉച്ചക്ക് ഒരു മണി വരെ നീണ്ടുനില്‍ക്കുന്ന ഈ ആദ്യ ഘട്ട വില്‍പ്പന കാലയളവില്‍, ആരാധകര്‍ക്ക് എപ്പോള്‍ വേണമെങ്കിലും ടിക്കറ്റ് അപേക്ഷ സമര്‍പ്പിക്കാനാകും. ഫെബ്രുവരി 8 വരെ എപ്പോള്‍ സമര്‍പ്പിക്കുന്നു എന്നത് പ്രസക്തമല്ല.
• അപേക്ഷിച്ച ടിക്കറ്റുകളുടെ എണ്ണം ആഭ്യന്തര/അന്താരാഷ്ട്ര വിപണിയില്‍ ലഭ്യമായ ടിക്കറ്റ് ഇന്‍വെന്ററിയെക്കാള്‍ കൂടുതലാണെങ്കില്‍, ക്രമരഹിതമായ നറുക്കെടുപ്പിലൂടെ ടിക്കറ്റുകള്‍ അനുവദിക്കും.
• നറുക്കെടുപ്പില്‍ വിജയിച്ചതും ഭാഗികമായി വിജയിച്ചതും വിജയിക്കാത്തതുമായ എല്ലാ അപേക്ഷകര്‍ക്കും അവരുടെ അപേക്ഷകളുടെ ഫലത്തെ കുറിച്ച് 2022 മാര്‍ച്ച് 8 ചൊവ്വാഴ്ചയ്ക്കകം അറിയിക്കുന്നതാണ്. ടിക്കറ്റ് അനുവദിക്കപ്പെട്ടവര്‍ക്ക് പണമടയ്‌ക്കേണ്ടതും തുടര്‍ നടപടികളും ലഭ്യമാകും.
• ഫിഫ ലോകകപ്പ് ഖത്തര്‍ 2022 ടിക്കറ്റുകള്‍ക്ക് അപേക്ഷിക്കാനുള്ള ഏക ഔദ്യോഗികവും നിയമാനുസൃതവുമായ വെബ്‌സൈറ്റ് എകഎഅ.രീാ/ശേരസലെേ മാത്രമാണെന്നു ശ്രദ്ധിക്കുക.