തിരുവനന്തപുരം: കംപ്യൂട്ടര്‍ ഓഫ് ഇന്ത്യ ട്രിവാന്‍ഡ്രം ചാപ്റ്ററും ഗൂഗിള്‍ ഇന്ത്യ പ്രൈവറ്റ് ലിമിറ്റഡും സംയുക്തമായി ഗൂഗിള്‍ ആപ് ഫ്രെയിംവര്‍ക്ക് എന്ന വിഷയത്തില്‍ ദേശീയ ശില്‍പശാല സംഘടിപ്പിക്കുന്നു. ഈ മാസം 27-ന് ടെക്‌നോപാര്‍ക്കിലെ ട്രാവന്‍കൂര്‍ ഹാളില്‍ രാവിലെ ഒന്‍പതു മുതല്‍ വൈകിട്ട് അഞ്ചു വരെയാണ് സെമിനാര്‍.
 വ്യവസായ സംരംഭകര്‍ക്കു ബിസിനസ് ചെയ്യുന്നതിലും വ്യാവസായിക വളര്‍ച്ചയ്ക്കും നിലനില്‍പ്പിനും പങ്കുവഹിക്കുന്ന ഗൂഗിള്‍ ക്ലൗഡ് അവയുമായി ബന്ധപ്പെട്ട ആപ്ലിക്കേഷനുകള്‍ എന്നിവയില്‍ അവഗാഹം നല്‍കുക എന്നതാണ് ശില്‍പശാലയുടെ പ്രധാന ലക്ഷ്യമെന്ന് കംപ്യൂട്ടര്‍ സൊസൈറ്റി ഓഫ് ഇന്ത്യ സെക്രട്ടറി ബസന്ത് കുമാര്‍ ബി.എസ് വാര്‍ത്താസമ്മേളനത്തില്‍ പറഞ്ഞു. ഗൂഗിള്‍ ആപ്പ് ഫോര്‍ വര്‍ക്ക്, പ്രോഗ്രാമിങ് ഗൂഗിള്‍ ആപ്, ക്രോം ബുക്‌സ്, ക്ലൗഡില്‍ പ്രവര്‍ത്തിക്കുന്നതിനായി എങ്ങനെ ആപ്ലിക്കേഷനുകള്‍ ഡിസൈന്‍ ചെയ്യണം ബ്രില്ലോ, ഐ.ഒ.ടി വിത്ത് വീവ്‌സ്, പ്രായോഗിക ഉദാഹരങ്ങള്‍ എന്നിവയാണ് സെമിനാറിന്റെ വിഷയങ്ങള്‍. വിശദവിവരങ്ങള്‍ക്കും രജിസ്‌ട്രേഷനും 9400796741.