തിരുവനന്തപുരം
മുഖ്യമന്ത്രിയുടെ ചികിത്സയെ വരെ അവഹേളിച്ച കെ.പി.സി.സി അധ്യക്ഷൻ കെ. സുധാകരൻ മനുഷ്യ ഹൃദയമുള്ളയാളല്ലെന്ന് മന്ത്രി വി. ശിവൻകുട്ടി. മുഖ്യമന്ത്രിക്കും സി.പി.എം സംസ്ഥാന സെക്രട്ടറിക്കുമെതിരായ കത്ത് സുധാകരൻ സമൂഹമാധ്യമത്തിൽനിന്ന് പിൻവലിച്ചത് സ്വമനസാലെയല്ലെന്നും എതിർപ്പ് ശക്തമായതോടെയാണെന്നും അദ്ദേഹം പറഞ്ഞു.ആർക്കെങ്കിലും അസുഖം വരുമ്പോഴോ ചികിത്സയ്ക്ക് പോകുമ്പോഴോ വിളിച്ച് കൂടെയുണ്ടെന്ന് പറയുന്നവരാണ് മലയാളികൾ. ഇക്കാര്യത്തിൽ രാഷ്ട്രീയ വ്യത്യാസങ്ങളില്ല. കേരളത്തിലെ രാഷ്ട്രീയ അന്തരീക്ഷം മലിനമാക്കാനുള്ള സുധാകരൻ്റെ പ്രവർത്തനങ്ങൾക്ക് പിന്തുണ നൽകുന്നുണ്ടോയെന്ന് എ.കെ ആൻ്റണിയും ഉമ്മൻചാണ്ടിയും അടക്കമുള്ള മുതിർന്ന കോൺഗ്രസ് നേതാക്കൾ വ്യക്തമാക്കണമെന്നും മന്ത്രി ആവശ്യപ്പെട്ടു.