വെള്ളറട: സര്‍ക്കാര്‍ ആശുപത്രിയില്‍ ഡോക്ടര്‍മാര്‍ പണിമുടക്കിയപ്പോള്‍ ദുരിതത്തിലായി രോഗികള്‍.
ഇന്നലെ രാവിലെ 10 മണിയായിട്ടും ഡോക്ടര്‍മാര്‍ എത്താത്തതിനാല്‍ ഒ.പി എടുത്ത 50ലേറെ രോഗികള്‍ സ്വകാര്യാശുപത്രിയില്‍ ചികിത്സ തേടുകയായിരുന്നു. അപകടത്തില്‍ പരുക്കേറ്റ് എത്തിയവര്‍ക്കും ചികിത്സ ലഭിച്ചില്ല. വെള്ളറട സര്‍ക്കാര്‍ ആശുപത്രിയിലാണ് സംഭവം. ഇതുമൂലം ഡോക്ടര്‍മാരെ കാത്തിരുന്ന ചില രോഗികള്‍ തളര്‍ന്നുവീഴുകയും ചെയ്തു.
രാവിലെ എട്ടിനു മുന്‍പുതന്നെ വെള്ളറട സര്‍ക്കാര്‍ ആശുപത്രിയില്‍ ഒ.പി കൗണ്ടറില്‍ രോഗികളുടെ തിരക്കായിരുന്നു. ഡോക്ടര്‍മാര്‍ ഒന്‍പതിനു മുന്‍പ് ആശുപത്രിയില്‍ എത്തുന്നത് പതിവായിരുന്നു. എന്നാല്‍ ഇന്നലെ ആരും യഥാസമയം എത്തിയില്ല. ഡോക്ടര്‍ നിരുത്തരവാദപരമായി പെരുമാറുകയായിരുന്നുവെന്നാണ് ആക്ഷേപം. രോഗികളെ പരിശോധിക്കുന്നതിനെക്കാള്‍ താല്‍പ്പര്യം സ്വകാര്യ പ്രാക്ടീസിനാണെന്നു ജനങ്ങള്‍ പറയുന്നു. ഡോക്ടര്‍മാരുടെ കെടുകാര്യസ്തയ്‌ക്കെതിരേ നടപടി വേണമെന്നാണ് നാട്ടുകാരുടെ ആവശ്യം.