ഐ.എസ്.എല്ലില്‍ തകര്‍പ്പന്‍ ജയത്തോടെ ഹൈദരാബാദ് എഫ്‌സി വീണ്ടും വിജയവഴിയില്‍. വാസ്‌കോയിലെ തിലക് മൈതാന്‍ സ്‌റ്റേഡിയത്തില്‍ നടന്ന സീസണിലെ 70ാത്തെ മാച്ചില്‍ എസ്‌സി ഈസ്റ്റ് ബംഗാളിനെയാണ് ഹൈദരാബാദ് തകര്‍ത്തത്. ഏകപക്ഷീയമായ നാലു ഗോളുകള്‍ക്കാണ് ഹൈദരാബാദിന്റെ വിജയം.

ബര്‍ത്തലോമിയോ ഒഗ്‌ബെച്ചെയുടെ ഹാട്രിക്കാണ് ഹൈദരാബാദിനു ഉജ്ജ്വല വിജയം സമ്മാനിച്ചത്. 21, 44, 74 മിനിറ്റുകളിലായിരുന്നു ഒഗ്‌ബെച്ചെയുടെ ഹാട്രിക്ക് നേട്ടം. 45ാം മിനിറ്റില്‍ അനികേത് ജാദവിന്റെ വകയായിരുന്നു നാലാമത്തെ ഗോള്‍.

ഈ വിജയത്തോടെ പോയിന്റ് പട്ടികയില്‍ ഹൈദരാബാദ് തലപ്പത്തേക്കു കയറി. കേരള ബ്ലാസ്‌റ്റേഴ്‌സിനെ പിന്തള്ളിയാണ് ഹൈദരാബാദ് ഒന്നാമതെത്തിയത്.