തിരുവനന്തപുരം: സംസ്ഥാന ഫോട്ടോഗ്രഫി അവാര്‍ഡ് വിതരണത്തോടനുബന്ധിച്ച് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ ചിത്രപ്രദര്‍ശനം ആരംഭിച്ചു.
വി.ജെ.ടി ഹാളില്‍ ഇന്നലെ ആരംഭിച്ച പ്രദര്‍ശനം സാംസ്‌കാരിക ക്ഷേമനിധി ബോര്‍ഡ് ചെയര്‍മാന്‍ പി. ശ്രീകുമാര്‍ ഉദ്ഘാടനം ചെയ്തു. പി.ആര്‍.ഡി ഡെപ്യൂട്ടി ഡയരക്ടര്‍ സലിന്‍ മാങ്കുഴി, ഇന്‍ഫര്‍മേഷന്‍ ഓഫിസര്‍ സുരേഷ് കുമാര്‍ എന്നിവര്‍ പങ്കെടുത്തു. മണ്ണും മനുഷ്യനും എന്ന വിഷയത്തില്‍ സര്‍ക്കാര്‍ ഏര്‍പ്പെടുത്തിയിട്ടുള്ള ഫോട്ടോഗ്രഫി പുരസ്‌കാരത്തിനായി ലഭിച്ച എന്‍ട്രി ചിത്രങ്ങളാണ് പ്രദര്‍ശനത്തില്‍ ഉള്‍പ്പെടുത്തിയിട്ടുള്ളത്. 20 വരെയാണ് പ്രദര്‍ശനം. പ്രവേശനം സൗജന്യമാണ്.