തൃശൂർ
കെ റെയിൽ സിൽവർ ലൈനിനെ വിമർശിച്ച് കവിത എഴുതിയതിനു സൈബർ ആക്രമണം നേരിടുന്ന ഗാനരചയിതാവ് റഫീഖ് അഹമ്മദിന് ഐക്യദാർഢ്യവുമായി എഴുത്തുകാരി സാറാ ജോസഫ്. തെറികൊണ്ട് വാമൂടിക്കെട്ടിയാൽ സത്യം നുരഞ്ഞുപൊങ്ങാതിരിക്കില്ലെന്ന് ഫേസ്ബുക്ക് കുറിപ്പിൽ അവർ വ്യക്തമാക്കി. റഫീഖ് അഹമ്മദ് ഒറ്റയ്ക്കല്ല. താനും സിൽവർ ലൈനിന് എതിരാണ്. ഇതൊരു ജനാധിപത്യ രാജ്യമാണ്. അഭിപ്രായം പറയാനുള്ള അവകാശം എല്ലാവർക്കും തുല്യമാണെന്നും അവർ പറഞ്ഞു.