എടപ്പാള്‍: കര്‍ഷക ദിനത്തിന്റെ ഭാഗമായി  പൂക്കരത്തറ ദാറുല്‍ഹിദായ ഹയര്‍ സെക്കന്‍ഡറി സ്‌കൂള്‍ പ്രീ പ്രൈമറി വിദ്യാര്‍ഥികളുടെ  നേതൃത്വത്തില്‍ കര്‍ഷകനെയും കാര്‍ഷിക മേഖലയേയും പരിചയപ്പെടല്‍ സംഘടിപ്പിച്ചു. പരിപാടിയുടെ ഭാഗമായി കടവല്ലൂര്‍ സ്വദേശിയും കര്‍ഷകോത്തമ അവാര്‍ഡ് ജേതാവുമായ എം.എ മുഹമ്മദിന്റെ ഗ്രീന്‍ വേള്‍ഡ് അഗ്രികള്‍ച്ചറല്‍ നേഴ്‌സറി കുട്ടികള്‍ സന്ദര്‍ശിച്ചു. പുതുതലമുറക്ക് കാര്‍ഷിക മേഖല അന്യമാകുന്ന ആധുനിക കാലത്ത് കുരുന്ന് മനസുകളില്‍ കാര്‍ഷിക ബോധം വളര്‍ത്തുക എന്ന ലക്ഷ്യവുമായാണ് പരിപാടി സംഘടിപ്പിച്ചത്.
പഞ്ചായത്ത് മുന്‍ പ്രസിഡന്റ് ഭാസ്‌കരന്‍ നായര്‍, നാരായണന്‍ നമ്പൂതിരി, ഉമറുല്‍ ഫാറൂഖ്, കബീര്‍ ലീന, മുത്തു നേതൃത്വം നല്‍കി.