തിരുവനന്തപുരം: ലോകായുക്തയുടെ അധികാരം വെട്ടിക്കുറക്കാനുള്ള ഓര്‍ഡിനന്‍സ് കാര്യമായ ചര്‍ച്ചയില്ലാതെയാണ് കഴിഞ്ഞ മന്ത്രിസഭായോഗം അംഗീകരിച്ചത്. നിര്‍ണ്ണായക നിയമഭേദഗതി എല്‍ഡിഎഫിലും ചര്‍ച്ച ചെയ്തില്ല.

അതേസമയം, ഓര്‍ഡിനന്‍സിനെ സംബന്ധിച്ച് ഗവര്‍ണര്‍ സ്വീകരിക്കുന്ന നിലപാട് നിര്‍ണായകമാകും. നിയമോപദേശം തേടാനും സര്‍ക്കാരില്‍ നിന്ന് കൂടുതല്‍ വിശദീകരണം തേടാനും ഗവര്‍ണര്‍ക്ക് അധികാരമുണ്ട്.

ഓര്‍ഡിനന്‍സുമായി ബന്ധപ്പെട്ട് നിയമമന്ത്രി പി. രാജീവ് ഗവര്‍ണര്‍ ആരിഫ് മുഹമ്മദ് ഖാനെ കഴിഞ്ഞ ദിവസം സന്ദര്‍ശിച്ചു. എന്നാല്‍ മന്ത്രിസഭ ഓര്‍ഡിനന്‍സിന് അംഗീകാരം നല്‍കിയ വിവരം പുറത്തുവന്ന് വിവാദമായതോടെ ഉടനടി അംഗീകാരം നല്‍കേണ്ടെന്ന നിലപാടിലാണ് ഗവര്‍ണറെന്നാണ് അറിയുന്നത്.പ്രതിപക്ഷം ഗവര്‍ണരെ നേരിട്ട് കണ്ട് ഒാര്‍ഡിനന്‍സില്‍ ഒപ്പുവെക്കരുത് എന്നാവശ്യപ്പെടാന്‍ ഒരുങ്ങുകയാണ്.