ചങ്ങരംകുളം: വീട് കുത്തിത്തുറന്ന് അഞ്ചര പവന്‍ സ്വര്‍ണവും അയ്യായിരം രൂപയും കവര്‍ന്ന സംഭവത്തില്‍ അന്യേഷണം ഊര്‍ജിതമാക്കി. ഞായറാഴ്ച രാത്രിയിലാണ് കക്കിടിപ്പുറം തലാപ്പില്‍ ഷെബീറ ആഷിക്കിന്റെ വീട്ടിലെ പിറക്‌വശത്തെ വാതില്‍ പൊളിച്ച് പണവും സ്വര്‍ണവും കവര്‍ച്ച നടത്തിയത്. സ്ത്രീകള്‍ മാത്രമായിരുന്നു വീട്ടില്‍ ഉണ്ടായിരുന്നത്. തിങ്കളാഴ്ച പുലര്‍ച്ചെ ഉണര്‍ന്നപ്പോഴാണ് മോഷണ വിവരം വീട്ടുകാര്‍ അറിയുന്നത്. ചങ്ങരംകുളം പൊലിസിനെ വിവരമറിയിച്ചതിനെ തുടര്‍ന്ന് അഡീഷ്ണല്‍ എ.എസ്.ഐമാരായ ബേബി, റഷീദ്  എന്നിവരുടെ നേതൃത്വത്തില്‍ പൊലിസെത്തി വിവരങ്ങള്‍ ശേഖരിച്ചു. മലപ്പുറത്ത് നിന്ന് ഡോഗ് സ്‌ക്വോഡും വിരലടയാള വിദഗ്ധണ്ടരും പരിശോധന നടത്തി തെളിവുകള്‍ ശേഖരിച്ചു.