റിയാദ്: സഊദിയിൽ ആശുപത്രികളിൽ പോകാതെ തന്നെ പരിശോധനയും രോഗ ചികിത്സയും നൽകുന്ന റിമോട്ട് ക്ലിനിക്കുകൾ ആരംഭിച്ചു. സഊദി ആരോഗ്യ മന്ത്രാലയത്തിന്റെ കീഴിലാണ് പ്രത്യേക ആപ്ലിക്കേഷനുകൾ വഴി വീടുകളിൽ വെച്ച് തന്നെ പരിശോധന ചെയ്യാൻ സഹായിക്കുന്ന സംവിധാനം ആരംഭിച്ചത്. അനാത്ത്, സിഹതീ ആപ്ലിക്കേഷനുകൾ വഴി രോഗിയും ഡോക്ടറും തമ്മിൽ നേരിട്ട് സംവദിക്കാനുതകുന്ന സംവിധാനമാണ് ആരോഗ്യ മന്ത്രാലയം പുറത്തിറക്കിയത്.

     അടിയന്തിര സാഹചര്യത്തിലല്ലാതെ ആശുപത്രികളിൽ രോഗികൾ കയറിയിറങ്ങുന്നതിന് സംവിധാനം പരിഹാരമാകുമെന്ന് മന്ത്രാലയം പറഞ്ഞു. ഇൻഫെക്ഷൻ, വൈറസ് പോലെയുള്ളവ പരക്കുന്നത് ഇത് മൂലം തടയുമെന്നും മന്ത്രാലയം പറഞ്ഞു. തൊണ്ണൂറിലധികം ആശുപത്രികളും ഹെൽത്ത് സെന്ററുകളുമാണ് റിമോട്ട് ക്ലിനിക്ക് സർവ്വീസുകൾ നൽകുന്നത്. ആശുപത്രികളുടെ ലിസ്റ്റുകൾ അറിയാൻ ഇവിടെ ക്ലിക്കുക.