ന്യൂഡൽഹി: എൻ.സി.സിയിൽ താനും സജീവ കാഡറ്റായിരുന്നുവെന്ന് പ്രധാനമന്ത്രി നരേന്ദ്ര മോദി. എൻ.സി.സിയിൽനിന്ന് ലഭിച്ച പരിശീലനവും പഠിച്ച പാഠങ്ങളും രാജ്യത്തോടുള്ള ഉത്തരവാദിത്തങ്ങൾ നിർവഹിക്കുന്നതിൽ വലിയ ശക്തിയായെന്നും മോദി പറഞ്ഞു. റിപ്പബ്ലിക് ദിനാഘോഷങ്ങളുടെ സമാപത്തോടനുബന്ധിച്ച് ന്യൂഡൽഹി കരിയാപ്പ പരേഡ് ഗ്രൗണ്ടിൽ നടന്ന റാലിയെ അബിസംബോധന ചെയ്ത് സംസാരിക്കുകയായിരുന്നു അദ്ദേഹം.
എല്ലാ വർഷവും ജനുവരി 28നാണ് റിപ്പബ്ലിക് ദിന സമാപന ചടങ്ങുകൾ നടക്കുക. ആർമി ആക്ഷൻ, സ്ലിറ്ററിങ്, മൈക്രോലൈറ്റ് ഫ്ലൈയിങ്, പാരാ പൈലിങ്, മറ്റ് സാംസ്കാരിക പ്രവർത്തനങ്ങൾ എന്നിവയിലെ എൻ.സി.സി കാഡറ്റുകളുടെ കഴിവുകൾ പ്രധാനമന്ത്രി വീക്ഷിച്ചു. മികച്ച എൻ.സി.സി കേഡറ്റുകൾക്ക് പ്രധാനമന്ത്രി മെഡലുകൾ സമ്മാനിച്ചു.
