ന്യൂഡല്‍ഹി: ജോലിയില്‍ പ്രവേശിക്കുന്നതില്‍ നിന്ന് ഗര്‍ഭിണികളെ വിലക്കിയ സ്റ്റേറ്റ് ബാങ്ക് ഓഫ് ഇന്ത്യയുടെ തീരുമാനം പിന്‍വലിച്ചു. താത്കാലം തീരുമാനം നടപ്പിലാക്കില്ലെന്ന് എസ്.ബി.ഐ പ്രതികരിച്ചു. നടപടിക്കെതിരെ പ്രതിഷേധം ഉയര്‍ന്നുവരുന്നതിനിടെയാണ് എസ്.ബി.ഐ തീരുമാനം മാറ്റിയത്.

മൂന്ന് മാസം ഗര്‍ഭിണികളായ ഉദ്യോഗാര്‍ഥികളെ ജോലിയില്‍ പ്രവേശിക്കുന്നതില്‍ നിന്ന് താല്‍കാലിക അയോഗ്യരാക്കി ഡിസംബര്‍ 31നാണ് എസ്.ബി.ഐ പുതിയ സര്‍ക്കുലര്‍ പുറത്തിറക്കിയത്.

ഗര്‍ഭിണികളായ സ്ത്രീകളെ താല്‍കാലിക അയോഗ്യരായി പ്രഖ്യാപിച്ച ബാങ്കിന്റെ നടപടി വിവേചനപരവും നിയമവിരുദ്ധവുമാണെന്ന് വനിത കമ്മീഷന്‍ അധ്യക്ഷ സ്വാതി മലിവാള്‍ പറഞ്ഞിരുന്നു.

ഈ മാര്‍ഗനിര്‍ദേശങ്ങള്‍ എന്ത് അടിസ്ഥാനത്തിലാണ് രൂപീകരിച്ചതെന്ന് വ്യക്തമാക്കാനും നിര്‍ദേശങ്ങള്‍ നടപ്പാക്കിയ ഉദ്യോഗസ്ഥരുടെ പേരുകള്‍ വെളിപ്പെടുത്താനും ആവശ്യപ്പെട്ട് വനിത കമീഷന്‍ നോട്ടീസ് അയച്ചിരുന്നു.