ജമ്മു: ജമ്മു കശ്മീരില്‍ രണ്ട് ഇടങ്ങളിലായി നടന്ന ഏറ്റുമുട്ടലില്‍ ജെയ്‌ഷെ മുഹമ്മദ്, ലഷ്‌കര്‍ ഇ തൊയ്ബ സംഘത്തിലെ അഞ്ച് ഭീകരരെ വധിച്ചതായി സൈന്യം. ഇവരില്‍ നിന്ന് ആയുധങ്ങളും പിടിച്ചെടുത്തതായും സൈനികവക്താവ് അറിയിച്ചു. 12 മണിക്കൂറിലേറെയായി ഏറ്റുമുട്ടല്‍ തുടരുകയാണ്.
കഴിഞ്ഞ വെള്ളിയാഴ്ച 3 ഭീകരരെ അറസ്റ്റ് ചെയ്തിരുന്നു. ഇവരില്‍ നിന്നു ലഭിച്ച വിവരങ്ങളുടെ അടിസ്ഥാനത്തിലാണ് ഇപ്പോള്‍ ഏറ്റുമുട്ടലില്‍ 5 ഭീകരരെ വധിച്ചത്.

പുല്‍വാമയിലും ബഡ് ഗാമിലുമാണ് സൈന്യവും ഭീകരരും തമ്മില്‍ ഏറ്റുമുട്ടിയത്. കൊല്ലപ്പെട്ട ഭീകരരില്‍ ജെയ്‌ഷെ മുഹമ്മദ് കമാന്‍ഡര്‍ സാഹിദ് വാനിയും പാകിസ്ഥാന്‍ സ്വദേശിയായ ഒരു ഭീകരനും ഉള്‍പ്പെട്ടിട്ടുണ്ട്. സൈന്യത്തിന്റെ വലിയ വിജയമെന്ന് കശ്മീര്‍ ഐജി വിജയകുമാര്‍ പറഞ്ഞു.