നിലമ്പൂര്‍: വാഹനമിടിച്ച് പുള്ളിമാന്‍ ചത്തു. നിലമ്പൂര്‍-ഗൂഡല്ലൂര്‍ റോഡില്‍ ജവഹര്‍ കോളനിക്ക് സമീപം ഇന്നലെ  രാത്രി ഏഴോടെയാണു വാഹനമിടിച്ചു ചത്ത നിലയില്‍ പുള്ളിമാനെ കണ്ടെത്തിയത്. മൂന്നര വയസുള്ള ആണ്‍മാനാണ് ചത്തത്. റോഡ് മുറിച്ചു കടക്കുന്നതിനിടയില്‍ വാഹനമിടിച്ചതാകാനാണു സാധ്യത.  നാട്ടുകാര്‍ വിവരം അറിയിച്ചതിനെത്തുടര്‍ന്നു വനം ജീവനക്കാരെത്തിയാണ് മാനിനെ മൃഗാശുപത്രിയിലെത്തിച്ചു.  
നിലമ്പൂര്‍ മൃഗാശുപത്രിയിലെ  ഡോ. ജിനു ജോണ്‍ പോസ്റ്റ് മോര്‍ട്ടം നടത്തിയശേഷം വനത്തില്‍ സംസ്‌കരിച്ചു. മേഖലയിലെ പുള്ളിമാനുകളുടെ വിഹാര കേന്ദ്രമാണ് ഇവിടം. രണ്ടു വര്‍ഷത്തിനുള്ളില്‍ നിരവധി മാനുകളാണു വാഹനമിടിച്ചും തെരുവുനായ്ക്കളുടെ കടിയേറ്റും മേഖലയില്‍ ചത്തത്.