കൊല്ലം: കൊട്ടിയത്ത് ബൈക്ക് മോഷ്ടിച്ചെന്ന് ആരോപിച്ച് യുവാവിനെ തല്ലച്ചതച്ചു. മൈലാപ്പൂര്‍ സ്വദേശി ഷംനാദിനെയാണ് ഞായറാഴ്ച്ച ആള്‍ക്കൂട്ടം മര്‍ദ്ദിച്ചത്. ഡിസംബര്‍ 24 ന് ഉച്ചയ്ക്കാണ് സംഭവം ഉണ്ടായത്. ബൈക്ക് മോഷ്ടാവല്ലെന്ന് ആവര്‍ത്തിച്ചിട്ടും ഷംനാദിനെ മര്‍ദ്ദിച്ചു. യഥാര്‍ഥ ബൈക്ക് മോഷ്ടാക്കളെ പൊലിസ് പിന്നീട് പിടികൂടി.

ഷംനാദിനെ മര്‍ദ്ദിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിച്ചു. അക്രമികള്‍ക്ക് എതിരെയും ദൃശ്യങ്ങള്‍ പ്രചരിച്ചവരെയും പിടികൂടണം എന്നാവശ്യപ്പെട്ട് കൊല്ലം സിറ്റി പൊലിസ് കമ്മിഷണര്‍ക്ക് ഷംനാദ് പരാതി നല്‍കി. അന്വേഷണം ആരംഭിച്ചതായി പൊലിസ് പറഞ്ഞു.