മലപ്പുറം: കൊലപാതങ്ങള്‍ക്ക് മുന്‍പുള്ള മലപ്പുറം ജില്ലയിലെ പി. ജയരാജന്റെ സന്ദര്‍ശനങ്ങള്‍ അന്വേഷിക്കണമെന്ന് എം.എസ്.എഫ് സംസ്ഥാന പ്രസിഡന്റ് പി.കെ നവാസ്.

ഇടതുഭരണകാലത്ത് മലപ്പുറം ജില്ലയില്‍ നടന്ന രണ്ട് കൊലപാതകങ്ങള്‍ക്കും ദിവസങ്ങള്‍ക്ക് മുന്‍പ് സി.പി.എം നേതാവ് പി. ജയരാജന്റെ സാന്നിധ്യം സംശയത്തിനിടവരുത്തുന്നുണ്ടെന്ന് നവാസ് ആരോപിച്ചു.

അഞ്ചുടി ഇസ്ഹാഖിന്റെ കൊലപാതകത്തിന് തലേദിവസം താന്നൂരിലും ഇന്നലെ നടന്ന മഞ്ചേരിയിലെ സമീറിന്റെ കൊലപാതകത്തിന് രണ്ട് ദിവസം മുന്‍പ് മഞ്ചേരിയിലെയും ജയരാജന്റെ സാന്നിധ്യം ദുരൂഹത ഉളവാക്കുന്നതാണ്. കൊലപാതകങ്ങളിലെ ഗൂഢാലോചനകളടക്കം അന്വേഷിക്കണമെന്നും നവാസ് ആവശ്യപ്പെട്ടു.