ലണ്ടന്‍: യു.എ.ഇയില്‍നിന്ന് നേരിട്ടുള്ള വിമാനങ്ങള്‍ നിരോധിച്ച് യു.കെ. കൊവിഡ് ഭീതിയെ തുടര്‍ന്നാണ് നിരോധനം. ലോകത്തിലെ തിരക്കേറിയ വ്യോമയാന റൂട്ടാണ് ഇതോടെ അടയ്ക്കുന്നത്. വെള്ളിയാഴ്ച മുതലാണ് നിരോധനം. യു.എ.ഇക്കു പുറമേ ബുറുണ്ടി, റുവാണ്ട എന്നീ രാജ്യങ്ങളിലേക്കുള്ള സര്‍വിസുകളും നിരോധിച്ചു. ദക്ഷിണാഫ്രിക്കയില്‍ വാക്‌സിനു പ്രതിരോധിക്കാന്‍ കഴിയാത്ത കൊവിഡ് വൈറസിനെ കണ്ടെത്തിയ സാഹചര്യത്തിലാണ് യു.കെയുടെ നടപടി. ഇതോടെ യു.എ.ഇയില്‍ കഴിയുന്ന ബ്രിട്ടീഷ് പൗരന്‍മാര്‍ക്ക് നാടുകളിലേക്ക് മടങ്ങാന്‍ മറ്റു വിമാന സര്‍വീസുകളെ ആശ്രയിക്കേണ്ടിവരും. യുകെ മന്ത്രാലയം ട്വിറ്ററില്‍ വ്യക്തമാക്കി.