കോഴിക്കോട്: എ.എന്‍ ഷംസീറിന്റെ ഭാര്യ ഉള്‍പ്പെട്ട പട്ടികയിലെ ആദ്യ രണ്ട് റാങ്കുകാര്‍ക്ക് കാലിക്കറ്റ് സര്‍വകലാശാല നിയമനാംഗീകാരം നല്‍കി. വിവാദം കണക്കിലെടുത്താണ് ഷംസീറിന്റെ ഭാര്യ ഷഹലയെ ഒഴിവാക്കിയതെന്നാണ് സൂചന.

അഭിമുഖത്തില്‍ അപാകത ആരോപിച്ച് സേവ് യൂണിവേഴ്‌സിറ്റി ഫോറം ഗവര്‍ണര്‍ക്ക് പരാതി നല്‍കിയിരുന്നു. 43 ഉദ്യോഗാര്‍ഥികള്‍ക്കാണ് നിലവില്‍ നിയമനം ലഭിച്ചിരിക്കുന്നത്. ഷഹലയ്ക്ക് നിയമനം നല്‍കാനായി ഷഹലയുടെ റിസര്‍ച്ച് ഗൈഡായിരുന്ന പി.കേളുവിനെ ഇന്റര്‍വ്യൂ ബോര്‍ഡില്‍ ഉള്‍പ്പെടുത്തിയതു സംബന്ധിച്ചാണ് പ്രധാന പരാതി ഉയര്‍ന്നത്.

നേരത്തെ ഷഹലയ്ക്ക് കണ്ണൂര്‍ സര്‍വകലാശാലയില്‍ നല്‍കിയ നിയമനം വിവാദമാവുകയും നിയമനം കോടതി റദ്ദാക്കുകയും ചെയ്തിരുന്നു.