ബെയ്ജിങ്
എൽ.ജി.ബി.ടി.ക്യു കമ്യൂണിറ്റിയുടെ അവകാശങ്ങൾക്കു മേൽ നിയന്ത്രണമേർപ്പെടുത്തി ചൈനീസ് സർക്കാർ. ചൈനയിൽ സ്വവർഗാനുരാഗികൾക്കുള്ള ഡേറ്റിങ് ആപ്പ്, ആപ്പ് സ്റ്റോറുകളിൽനിന്ന് നീക്കംചെയ്തു. ഡേറ്റിങ് ആപ്പ് ഗ്രിൻഡ്ര് ആണ് വിവിധ ആപ്പ് സ്റ്റോറുകളിൽനിന്ന് അപ്രത്യക്ഷമായത്.

സ്വവർഗാനുരാഗം 1997ൽ ചൈനയിൽ കുറ്റമല്ലാതാക്കിയിട്ടുണ്ടെങ്കിലും സ്വവർഗ വിവാഹങ്ങൾ നിയമവിരുദ്ധമാണ്. ആപ്പിളിന്റെ ചൈനയിലെ ആപ്പ് സ്റ്റോറിൽനിന്ന് ഗ്രിൻഡ്ര് ആപ്പ് അതിന്റെ ഡെവലപ്പേഴ്‌സ് നീക്കംചെയ്തതായി ആപ്പിൾ അറിയിച്ചു. സ്വവർഗാനുരാഗികളുടെ പ്രണയം സിനിമകളിൽ ചിത്രീകരിക്കുന്നതിന് ചൈനയിൽ നിരോധനമുണ്ട്.
ചൈനയിൽ നിലവിൽ ഇന്റർനെറ്റ് സേവനങ്ങളിൽ കടുത്ത നിയന്ത്രണങ്ങളാണുള്ളത്.