ജിദ്ദ: സഊദി കാലാവസ്ഥാ നിരീക്ഷണ, പരിസ്ഥിതി സംരക്ഷണ വിഭാഗം മുന്‍ പ്രസിഡന്റ് തുര്‍ക്കി ബിന്‍ നാസര്‍ ബിന്‍ അബ്ദുല്‍ അസീസ് രാജകുമാരന്‍ അന്തരിച്ചു. റിയാദില്‍ വെച്ചായിരുന്നു അന്ത്യം. സഊദി അല്‍നസ്ര്‍ ക്ലബ്ബിന്റെ ഹോണററി മെംബേഴ്‌സ് ബോഡി ചെയര്‍മാന്‍ കൂടിയായ അദ്ദേഹം കായിക മേഖലയിലും സന്നദ്ധ സേവന രംഗത്തും വ്യക്തിമുദ്ര പതിപ്പിച്ച വ്യക്തിത്വമായിരുന്നു. ജിസാന്‍ ഗവര്‍ണര്‍ മുഹമ്മദ് ബിന്‍ നാസര്‍ രാജകുമാരന്റെ സഹോദരന്‍ ആണ്.

തുര്‍ക്കി രാജകുമാരന്‍റെ വിയോഗത്തില്‍ അനുശോചിച്ച്‌ അജ്മാന്‍ ഭരണാധികാരി ശൈഖ് ഹുമൈദ് ബിന്‍ റാഷിദ് അല്‍നുഐമി, കിരീടാവകാശി ശൈഖ് അമ്മാര്‍ ബിന്‍ ഹുമൈദ് അല്‍നുഐമി എന്നിവര്‍ തിരുഗേഹങ്ങളുടെ സേവകന്‍ സല്‍മാന്‍ രാജാവിന് അനുശോചന സന്ദേശം അയച്ചു.