കോഴിക്കോട്
മുസ് ലിം ലീഗ് നേതാക്കളായ എ. യൂനുസ് കുഞ്ഞ്, പി. ശാദുലി എന്നിവരുടെ വിയോഗത്തിൽ സമസ്ത പ്രസിഡന്റ് സയ്യിദ് ജിഫ് രി മുത്തുക്കോയ തങ്ങളും ജന. സെക്രട്ടറി പ്രൊഫ. കെ. ആലിക്കുട്ടി മുസ് ലിയാരും അനുശോചിച്ചു. ദീനീ പ്രവർത്തനങ്ങളിലും ഈ നേതാക്കൾ മുൻ നിരയിലുണ്ടായിരുന്നു. ഇരുവരുടേയും പ്രവർത്തനം സമുദായത്തിന്റെ ഉന്നമനത്തിന് വലിയ മുതൽക്കൂട്ടായിട്ടുണ്ട്. ആത്മീയ ചൈതന്യവും ആദർശ രാഷ്ട്രീയവും സമന്വയിപ്പിക്കാൻ യൂനുസ് കുഞ്ഞിനും ശാദുലിക്കും കഴിഞ്ഞു. തെക്കൻ ജില്ലകളിൽ സമസ്തയുടെ പ്രവർത്തനം ശക്തിപ്പെടുത്തുന്നതിൽ യൂനുസ് കുഞ്ഞിൻറെ പരിശ്രമങ്ങൾ സഹായകമായിട്ടുണ്ടെന്നും ഇരുവരും അനുസ്മരിച്ചു.
ഇരുവർക്ക് വേണ്ടിയും മയ്യിത്ത് നിസ്കരിക്കാനും പ്രാർഥിക്കാനും സയ്യിദ് മുഹമ്മദ് ജിഫ് രി മുത്തുക്കോയ തങ്ങളും ആലിക്കുട്ടി മുസ് ലിയാരും അഭ്യർഥിച്ചു.