തിരുവനന്തപുരം: എം ശിവശങ്കറിനെതിരെ രൂക്ഷ വിമര്‍ശനവുമായി സ്വര്‍ണക്കടത്ത് കേസ് പ്രതി സ്വപ്ന സുരേഷ്. തനിക്ക് ഐടി വകുപ്പില്‍ നിയമനം നേടിത്തന്നത് ശിവശങ്കറാണെന്നും കോണ്‍സുലേറ്റില്‍ നിന്ന് രാജി വച്ചതും ശിവശങ്കര്‍ പറഞ്ഞിട്ടാണെന്നും സ്വപ്ന സുരേഷ് പറഞ്ഞു.

തന്നെ ഈ അവസ്ഥയില്‍ ആക്കിയതില്‍ ശിവശങ്കറിന് പങ്കുണ്ട്. 3 വര്‍ഷത്തിലേറെയായി ശിവശങ്കര്‍ തന്റെ കുടുംബത്തിന്റെ ഭാഗമാണെന്ന് സ്വപ്ന സുരേഷ് പറഞ്ഞു. ഫോണ്‍ കൊടുത്ത് ശിവശങ്കറിനെ ചതിക്കേണ്ട കാര്യമില്ല.

എന്റെ കഴിവ് കണ്ടാണ് ജോലി തന്നത്. അല്ലാതെ ഡിഗ്രി കണ്ടെല്ലന്നും സ്വപ്ന വ്യക്തമാക്കി. താന്‍ ചതിച്ചെന്ന് ശിവശങ്കര്‍ പറയുമെന്ന് കരുതിയില്ലെന്നും തന്റെ വ്യക്തിത്വം ചോദ്യം ചെയ്ത് ആരും ക്ലീന്‍ ചീറ്റ് നേടേണ്ട. തന്നെ ചൂഷണം ചെയ്‌തെന്നു താന്‍ ഇരയാണെന്നും സ്വപ്ന മാധ്യമങ്ങളോട് പ്രതികരിച്ചു.