കായംകുളം: കെ.പി റോഡിൽ മൂന്നാം കുറ്റി പെട്രോൾ പമ്പിനു സമീപം വൻ കഞ്ചാവ് വേട്ട. ഇന്ന് പുലർച്ചെ 3 മണിയോട് കൂടിയാണ് സംഭവം.

 

ഹൈവേ പൊലീസിനെ കണ്ട് വാഹനം അമിതവേഗതയിൽ പാഞ്ഞെങ്കിലും പൊലീസ് സംഘം പിന്നാലെയെത്തി ജീപ്പ് കുറുകെയിട്ടാണ് വാഹനം പിടികൂടിയത്.വാഹനത്തിൽ നിന്നും 50 കിലോ കഞ്ചാവ് കണ്ടെടുത്തു.വാഹനത്തിൽ ഉണ്ടായിരുന്നവർ ഓടി രക്ഷപ്പെട്ടു. വള്ളികുന്നം പൊലീസ് അന്വേഷണം ആരംഭിച്ചു.

 

വള്ളികുന്നം കേന്ദ്രീകരിച്ചു പ്രവർത്തനം നടത്തുന്ന കുപ്രസിദ്ധ ഗുണ്ട നേതാവ് ആണ് സംഭവത്തിന് പിന്നിലെന്ന് പറയപ്പെടുന്നു.