അമ്മയും മക്കളും കിണറ്റില് മരിച്ച നിലയില്
പാലക്കാട്: തൃത്താലയിലെ ആലൂരില് യുവതിയെയും മക്കളെയും വീട്ടുവളപ്പിലെ കിണറ്റില് മരിച്ച നിലയില് കണ്ടെത്തി. ആലൂര്കയറ്റം ആട്ടയില്പ്പടി കുട്ടി അയ്യപ്പന്റെ മകളായ ശ്രീജ(28), മക്കളായ അഭിഷേക് (6), അഭിനവ്(4) എന്നിവരാണ് മരിച്ചത്. ബുധനാഴ്ച രാവിലെ ഒമ്പത് മണിയോടെയാണ് മൃതദേഹങ്ങള് കണ്ടെത്തിയത്. കുടുംബപ്രശ്നങ്ങളെ തുടര്ന്നാണ് ശ്രീജ മക്കളുമായി കിണറ്റില് ചാടി ജീവനൊടുക്കിയതെന്നാണ് പൊലിസ് പറയുന്നത്.
ശ്രീജയെയും മക്കളെയും കാണാനില്ലെന്ന് വീട്ടുകാര് തൃത്താല പൊലിസ് സ്റ്റേഷനില് ചൊവ്വാഴ്ച രാത്രി പരാതി നല്കിയിരുന്നു. അന്വേഷണം നടക്കുന്നതിനിടെയാണ് രാവിലെ ഒരു കുട്ടിയുടെ മൃതദേഹം കിണറ്റില് കണ്ടെത്തിയത്. തുടര്ന്ന് ഫയര്ഫോഴ്സെത്തി കിണറ്റില് തിരച്ചില് നടത്തുകയും മറ്റു രണ്ടു മൃതദേഹങ്ങള് കൂടി പുറത്തെടുക്കുകയുമായിരുന്നു. മേഴത്തൂര് സ്വദേശി രതീഷാണ് ശ്രീജയുടെ ഭര്താവ്. കഴിഞ്ഞ നാലുമാസമായി ഭര്ത്താവുമായി പിരിഞ്ഞ് സ്വന്തം വീട്ടിലായിരുന്നു. സംഭവത്തില് തൃത്താല പൊലിസ് കേസെടുത്തു. മൃതദേഹങ്ങള് പോസ്റ്റുമോര്ട്ടത്തിനായി പാലക്കാട് ജില്ലാ ആശുപത്രിയിലേക്ക് മാറ്റി.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."