വാണിയംകുളം: സമസ്ത കേരള ജംഇയ്യത്തുല്‍ മുഅല്ലിമീന്‍ 423 റെയ്ഞ്ചുകളിലെ ഏഴുവീതം ഔദ്യോഗിക ഭാരവാഹികളെ പങ്കെടുപ്പിച്ചുകൊണ്ടുള്ള സംസ്ഥാന സാരഥീസംഗമത്തിന് ഇത്തവണ ആതിഥ്യമരുളിയത് വാണിയംകുളം റഹീമീയ്യ ശരീഅത്ത് കോളജ് കാംപസ്.
സംസ്ഥാനത്തിന്റെ വിവിധ ഭാഗങ്ങളില്‍ നിന്നായി തലേദിവസം മുതല്‍ എത്തിയ പ്രതിനിധികള്‍ക്ക് സര്‍വവിധ സൗകര്യങ്ങളും കാംപസില്‍ ഒരുക്കിയിരുന്നു.
എല്ലാ മേഖലകളിലും സര്‍വസജ്ജരായ വിദ്യാര്‍ഥി വളണ്ടിയര്‍മാരുടെ സേവനം മികച്ചുനിന്നു. റഹീമിയ്യ വൈസ് പ്രസിഡന്റ് സൈദലവി ദാരിമിയുടെയും മറ്റു പ്രവര്‍ത്തകരുടെയും സേവനങ്ങള്‍ പ്രശംസിക്കപ്പെട്ടു.
യു.എ.ഇ. റെയ്ഞ്ച് ജംഇയ്യത്തുല്‍ മുഅല്ലിമീന്‍ കമ്മിറ്റിയുടെ സ്‌പോണ്‍സര്‍ഷിപ്പില്‍ ഡോ. ബഹാഉദ്ദീന്‍ മുഹമ്മദ് നദ്‌വിയുടെ വിശുദ്ധഖുര്‍ആന്‍ വിവര്‍ത്തനം എല്ലാ പ്രതിനിധികള്‍ക്കും സൗജന്യമായി നല്‍കി.