തിരുവനന്തപുരം: ഹയര്‍സെക്കന്‍ഡറി സ്‌കൂള്‍ ടീച്ചേഴ്‌സ് അസോസിയേഷന്‍ സംസ്ഥാന തലത്തില്‍ അധ്യാപകര്‍ക്കായി സംഘടിപ്പിച്ച അനുഭവക്കുറിപ്പെഴുത്ത്
മത്സരത്തില്‍ മങ്കട പള്ളിപ്പുറം ഗവ ഹയര്‍സെക്കന്‍ഡറി സ്‌കൂളിലെ ഇംഗ്ലിഷ് അധ്യാപിക ശബ്‌നം ഷെറിന് ഒന്നാം സ്ഥാനം. എല്‍.പി, യു.പി, ഹൈസ്‌കൂള്‍, ഹയര്‍സെക്കന്‍ഡറി സ്‌കൂള്‍ അധ്യാപകര്‍ക്കായായിരുന്നു മത്സരം സംഘടിപ്പിച്ചത്. എറണാകുളം ചോറ്റാനിക്കര ഹയര്‍സെക്കന്‍ഡറി സ്‌കൂളിലെ സന്ധ്യാകുമാരി രണ്ടും തൃശൂര്‍ മാമ്പ്ര സ്‌കൂളിലെ മായാദാസും കോതപ്പറമ്പ് എല്‍.പി സ്‌കൂളിലെ ശില്‍പ എസ്. മോഹനും മൂന്നാം സ്ഥാനം പങ്കിട്ടു.
വിജയികള്‍ക്കുള്ള പുരസ്‌കാരങ്ങള്‍ മലപ്പുറം പ്രശാന്ത് ഓഡിറ്റോറിയത്തില്‍ നടന്ന ചടങ്ങില്‍ കെ.എന്‍.എ ഖാദര്‍ എം.എല്‍.എ വിതരണം ചെയ്തു. മലപ്പുറം ജില്ലാ പഞ്ചായത്ത് പ്രസിഡന്റ് റഫീഖ, എച്ച്.എസ്.ടി.എ സംസ്ഥാന ജില്ലാ നേതാക്കള്‍ ചടങ്ങില്‍ പങ്കെടുത്തു.