ബംഗളൂരു: ഹിജാബ് വിലക്കിനെതിരെ വിദ്യാർത്ഥിനികൾ കർണാടക ഹൈക്കോടതിയില്‍ സമർപ്പിച്ച ഹരജികളിൽ വാദംകേൾക്കൽ നാളത്തേക്ക് മാറ്റിവച്ചു. ജസ്റ്റിസ് ദീക്ഷിത് കൃഷ്ണ അധ്യക്ഷനായ ബെഞ്ചാണ് കേസ് പരിഗണിച്ചത്. നാളെ ഉച്ചയ്ക്ക് 2.30ന് വാദംകേൾക്കൽ പുനരാരംഭിക്കും. ഉഡുപ്പിയിലെ സർക്കാർ പ്രീ-യൂനിവേഴ്സിറ്റി കോളജിലെ അഞ്ച് പെൺകുട്ടികൾ സമർപ്പിച്ച ഹരജികളാണ് ഹൈക്കോടതി പരിഗണിച്ചത്. മുതിർന്ന അഭിഭാഷകനായ ദേവ്ദത്ത് കാമത്ത് ആണ് വിദ്യാർത്ഥികൾക്കു വേണ്ടി കോടതിയിൽ ഹാജരായത്. അഡ്വക്കേറ്റ് ജനറൽ പ്രഭുലിങ് കെ. നവദാഗി കർണാടക സർക്കാരിനു വേണ്ടിയും വാദങ്ങൾ അവതരിപ്പിച്ചു. കേസ് കോടതിയുടെ പരിഗണനയിലുള്ളതിനാൽ അക്രമങ്ങളും പ്രതിഷേധ പരിപാടികളും ഒഴിവാക്കണമെന്ന് ജസ്റ്റിസ് ദീക്ഷിത് കൃഷ്ണ ആവശ്യപ്പെട്ടു.

ചില രാജ്യങ്ങൾ നിഷേധസ്വഭാവത്തിലുള്ള മതേതരത്വമാണ് പിന്തുടരുന്നത്. പൊതുസ്ഥലത്ത് മതസ്വത്വം പ്രദർശിപ്പിക്കാൻ അവിടങ്ങളിൽ അനുവാദമില്ല. എന്നാൽ, ഇന്ത്യയിലെ മതേതരത്വം അങ്ങനെയല്ല. ഉൾക്കൊള്ളലിന്റെ, പരസ്പര ബഹുമാനത്തിന്റെ മതേതരത്വമാണ് നമ്മുടേത്. എല്ലാ മതങ്ങളെയും രാജ്യം ബഹുമാനിക്കുന്നുണ്ട്-വാദം അവതരിപ്പിച്ച് ദേവ്ദത്ത് കാമത്ത് കോടതിയിൽ ചൂണ്ടിക്കാട്ടി.

റാകുമോ? Read Also കർണാടകയിലെ ഹിജാബ് വിലക്ക്: ഡൽഹി സർവകലാശാലയിൽ എം.എസ്.എഫ് പ്രതിഷേധം സിഖ് മതവിശ്വാസികളുടെ കാര്യത്തിൽ ഇന്ത്യയിൽ മാത്രമല്ല കാനഡയിലെയും ബ്രിട്ടനിലെയും കോടതികളടക്കം അനിവാര്യമായ മതാചരണ(ഇ.ആർ.പി)ത്തിനുള്ള പ്രത്യേക അനുമതി നൽകിയതാണെന്ന് കോടതി ചൂണ്ടിക്കാട്ടി. ഉഡുപ്പിയിൽനിന്ന് തുടങ്ങിയ വിലക്ക് ഉഡുപ്പി ജില്ലയിലെ ഗവൺമെന്റ് ഗേൾസ് പി.യു കോളജിലാണ് കഴിഞ്ഞ മാസം ഹിജാബ് വിലക്ക് ഏർപ്പെടുത്തി മാനേജ്‌മെന്റ് ഉത്തരവിറക്കിയത്. വിദ്യാർഥികൾ ഹിജാബ് ധരിച്ച് ക്ലാസിൽ പോകുന്നതിനെ എതിർത്തു സംഘ്പരിവാർ പ്രവർത്തകർ രംഗത്തെത്തിയതോടെയാണ് പ്രശ്‌നത്തിന്റെ തുടക്കം. ഇതിനുപിന്നാലെ കൂടുതൽ കോളജുകളിലേക്ക് പ്രതിഷേധം വ്യാപിച്ചു. ഇതോടെ കൂടുതൽ കോളജുകളിൽ ഹിജാബിന് വിലക്ക് ഏർപ്പെടുത്തുകയായിരുന്നു.