ദമാം: കൊവിഡ് മുൻകരുതലിന്റെ ഭാഗമായി കിഴക്കൻ പ്രവിശ്യയിലെ പ്രമുഖ ഈവനിംഗ് കേന്ദ്രമായ അൽഖോബാർ കോർണിഷ് അടച്ചു. ശനിയാഴ്ച്ച വൈകുന്നേരത്തോടെ ഈ ഭാഗത്ത് നിന്നും ആളുകളെ അധികൃതർ ഒഴിപ്പിച്ചിരുന്നു. എന്നാൽ ഇത് സംബന്ധമായി അവ്യക്തത തുടരുന്നതിടെയാണ് താത്‌കാലികമായി കോർണിഷ് അടച്ചതായി മുനിസിപ്പാലിറ്റി അധികൃതർ വ്യക്തമാക്കിയത്. വൈറസ് വ്യാപനം തടയുന്നതിന്റെ ഭാഗമായി ആളുകളുടെ കൂട്ടം കൂടലും മറ്റും ഒഴിവാക്കുന്നതിനാണ് നടപടി.

    ഖോബാർ ഗവർണറേറ്റിന്റെ കോർണിഷും ദമാം, ഖോബാർ എന്നിവിടങ്ങളിലെ രണ്ട് വാട്ടർഫ്രോണ്ടുകളും വാരാന്ത്യത്തിൽ നിരവധി ആളുകൾ കൂടിച്ചേരുന്നതിന് സാക്ഷിയായി. കൂടുതൽ മുൻകരുതൽ നടപടികൾ സ്വീകരിക്കാൻ അധികൃതർക്ക് പ്രേരണയാകുകയായിരുന്നു. സുരക്ഷാ അധികാരികൾ വാഹനങ്ങൾ തടയുകയും ഇവിടേക്കുള്ള പ്രവേശന കവാടങ്ങൾ അടക്കുകയും ചെയ്‌തിട്ടുണ്ട്‌.