കണ്ണൂര്‍: കണ്ണൂക്കര മാണിക്ക്യകാവിനു സമീപം റോഡരികില്‍ കോണ്‍ഗ്രസ്, ബി.ജെ.പി പാര്‍ട്ടികളുടെ സ്തൂപങ്ങള്‍ അജ്ഞാതസംഘം തകര്‍ത്തു. ഇന്നലെ പുലര്‍ച്ചെയാണു സ്തൂപങ്ങള്‍ തകര്‍ത്ത നിലയില്‍ കണ്ടത്. ബി.ജെ.പി നിയന്ത്രണത്തിലുള്ള താമരയുടെ സ്തൂപം തകര്‍ക്കുകയും കൊടിമരങ്ങള്‍ പിഴുതിടുകയും ചെയ്തിട്ടുണ്ട്. കോണ്‍ഗ്രസിന്റെ കൈപ്പത്തി സ്തൂപവും അടിച്ചുതകര്‍ത്ത നിലയിലാണ്. കണ്ണൂര്‍ സിറ്റി പൊലിസ് സ്ഥലത്തെത്തി അന്വേഷണം നടത്തി. രാത്രി വാഹനത്തിലെത്തിയവരാണ് ആക്രമണം നടത്തിയതെന്നു കരുതുന്നു.
സമാധാനം നിലനില്‍ക്കുന്ന സ്ഥലത്ത് സംഘര്‍ഷം ഉണ്ടാക്കാനുള്ള സാമൂഹ്യവിരുദ്ധരുടെ തന്ത്രമാണിതെന്നു കോണ്‍ഗ്രസും ബി.ജെ.പിയും ആരോ പിച്ചു.