ന്യൂഡൽഹി: ഇന്ത്യയിൽ ഇസ്‌ലാമോഫോബിയ ഏറ്റവും മാരകമായ രൂപം പ്രാപിക്കുകയാണെന്ന് ഭാഷാ പണ്ഡിതനും സാമൂഹിക പ്രവർത്തകനുമായ നോം ചോംസ്കി. രാജ്യത്ത് 250 ദശലക്ഷം വരുന്ന മുസ്‌ലിംകൾ പീഡിത ന്യൂനപക്ഷമായി വരികയാണെന്നും മസാച്യുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജിയിലെ പ്രൊഫസർ എമിററ്റസ് കൂടിയായ ചോംസ്കി പറഞ്ഞു.

ആംനസ്റ്റി ഇന്റർനാഷണൽ യു.എസ്.എ, ജെനോസൈഡ് വാച്ച്, ഇന്ത്യൻ അമേരിക്കൻ മുസ്‌ലിം കൗൺസിൽ ഉൾപ്പെടെ പതിനേഴോളം സംഘടനകൾ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം. "ഇന്ത്യയിൽ മുസ്‌ലിംകളെ ലക്ഷ്യം വെച്ചുള്ള സ്വതന്ത്ര ചിന്തയ്ക്ക് നേരെയും വിദ്യാഭ്യാസ മേഖലയിലുമുണ്ടായിരുന്ന അതിക്രമങ്ങൾ കൂടുതൽ മേഖലകളിലേക്ക് വ്യാപിക്കുകയാണ്. " - ചോംസ്കി പറഞ്ഞു.