എല്‍ഇഡി ബള്‍ബുകള്‍ വെച്ച് അലങ്കരിച്ച ഓട്ടോകള്‍ മുതല്‍ മ്യൂസിക് സിസ്റ്റം ഘടിപ്പിച്ച ഓട്ടോകളും നമ്മള്‍ കണ്ടിട്ടുണ്ട്. എന്നാല്‍ ചെന്നൈയിലെ ഓട്ടോ സംഗതി വേറെ ലെവലാണ്. ചെന്നൈയിലെ അണ്ണാദുരൈയുടെ ഓട്ടോയെ കേവലം യാത്രാസംവിധാനം എന്ന രീതിയില്‍ ലഘൂകരിക്കാനാവില്ല.

അണ്ണാദുരൈയുടെ ഓട്ടോയിലെ സൗകര്യങ്ങള്‍ ആരെയും ഞെട്ടിപ്പിക്കുന്നതാണ്. ഇന്റര്‍നെറ്റ് കണക്ഷനും ടാബും തുടങ്ങി ഫ്രിഡ്ജ് വരെ ഈ ഓട്ടോയിലുണ്ട്. ഈ ഓട്ടോയുടെ അകം ആരെയും ഞെട്ടിപ്പിക്കുന്നതാണ്.

3540 മാഗസിനുകള്‍ ഇതിനകത്ത് ഉണ്ട്. ദിവസവും 8 ന്യൂസ് പേപ്പറും ഉണ്ടാകും. അത് രാവിലെ ആറെണ്ണം വൈകിട്ട് രണ്ട് എണ്ണവും വീതം. കൂടാതെ ലാപ്‌ടോപ്പ്, ഐപാഡ് പ്രോ, സാംസങ് ഗാലക്‌സി ടാബ്, ഫ്രിഡ്ജ് എന്നിവ ഈ ഓട്ടോറിക്ഷയ്ക്ക് അകത്തുണ്ട്. ഫ്രിഡ്ജിനകത്ത് വെള്ളവും കോക്കനട് വാട്ടറും കരുതിയിട്ടുണ്ട്. കൂടാതെ ഓട്ടോയില്‍ ചോക്ലേറ്റും സ്‌നാക്‌സും ബിസ്‌കറ്റും കരുതിയിട്ടുണ്ട്. ഈ സംവിധാനങ്ങളെല്ലാം സൗജന്യമാണ് എന്നതാണ് ഈ ഓട്ടോയുടെ മറ്റൊരു പ്രത്യേകത.

മാത്രവുമല്ല, അധ്യാപകര്‍, ഡോക്ടര്‍മാര്‍, നേഴ്‌സുമാര്‍, ശുചീകരണ തൊഴിലാളികള്‍ ഇവര്‍ക്കൊക്കെ ഈ ഓട്ടോയില്‍ ഏതു സമയത്തും സൗജന്യമായി യാത്ര ചെയ്യാം.

ജീവിതത്തില്‍ ഇതിലൂടെ വന്ന മാറ്റത്തെ കുറിച്ച് ചോദിച്ചാല്‍ ആദ്യം ഞാന്‍ കസ്റ്റര്‍മേഴ്‌സിനെ കാത്തുനില്‍ക്കുകയാണെങ്കില്‍ ഇപ്പോള്‍ അതുമാറി അവരെന്നെ കാത്തുനില്‍ക്കുന്ന സ്ഥിതിയിലെത്തി. ഇതാണ് ഈ കാലയളവില്‍ തനിക്ക് സംഭവിച്ച മാറ്റം എന്നും എന്നും അണ്ണാദുരൈ പറയുന്നു. അതിഥി ദേവോ ഭവഃ എന്നാണ് അണ്ണാദുരൈയുടെ പോളിസി.