മാഡ്രിഡ്: യുവേഫ ചാംപ്യന്‍സ് ലീഗില്‍ പ്രിക്വാര്‍ട്ടര്‍ പോരാട്ടങ്ങള്‍ക്ക് ഇന്ന് തുടക്കം. സ്പാനിഷ് ലീഗ് കരുത്തന്മാരായ റയല്‍ മാഡ്രിഡ് ഫ്രഞ്ച് വമ്പന്മാരായ പി.എസ്.ജിയെയാണ് നേരിടുക. മറ്റൊരു മത്സരത്തില്‍ ഇംഗ്ലീഷ് ശക്തരായ മാഞ്ചസ്റ്റര്‍ സിറ്റിക്ക് സ്‌പോര്‍ട്ടിംഗ് ലിസ്ബണാണ് എതിരാളികള്‍.

ഇന്ത്യന്‍ സമയം രാത്രി ഒന്നരയ്ക്കാണ് മത്സരം. സൂപ്പര്‍താരം ലയണല്‍ മെസി ബാഴ്‌സലോണ വിട്ടതിന് ശേഷം ആദ്യമായാണ് റയല്‍ മാഡ്രിഡിനെതിരെ കളിക്കാനിറങ്ങുന്നത്. റയലിന്റെ ആശങ്കയും പിഎസ്ജിയുടെ പ്രതീക്ഷയും മെസിയിലാണ്.

പിഎസ്ജിയിലെ തുടക്കം മങ്ങിയെങ്കിലും അവസാന രണ്ടുമത്സരങ്ങളിലെ മെസിയുടെ പ്രകടനം ആശ്വാസം നല്‍കുന്നു. നെയ്മറും സെര്‍ജിയോ റാമോസും ടീമില്‍ ഉണ്ടാകില്ല.

കരീം ബെന്‍സേമയും ഫെര്‍ലാന്‍ഡ് മെന്‍ഡിയും പരിക്കുമാറിയെത്തിയ ആശ്വാസത്തിലാണ് റയല്‍. പിഎസ്ജിയെപ്പോലെ ആദ്യ കിരീടം ലക്ഷ്യമിടുന്ന മാഞ്ചസ്റ്റര്‍ സിറ്റി സ്‌പോര്‍ട്ടിംഗിന്റെ മൈതാനത്ത് ആദ്യപാദ പോരാട്ടത്തിനിറങ്ങും.