സംഘടനാപ്രശ്‌നങ്ങളില്‍ പ്രധാനമന്ത്രിയുടെ ഇടപെടല്‍ തേടി ശോഭ സുരേന്ദ്രന്‍. ബിജെപിയിലെ സംഘടനാ പ്രശ്‌ന പരിഹാരത്തിനായാണ് ഡല്‍ഹിയിലെത്തി പ്രധാനമന്ത്രിയെ സന്ദര്‍ശിച്ചത്. നാളെ കൊച്ചിയിലെത്തുന്ന മോദി സംസ്ഥാന നേതാക്കളുമായി ചര്‍ച്ചനടത്തും. പാര്‍ട്ടി ദേശീയ അധ്യക്ഷന്‍ ജെപി നദ്ദ ഇടപെട്ടിട്ടും പ്രശ്‌നപരിഹാരമുണ്ടാകാത്ത സാഹചര്യത്തിലാണ് പ്രധാനമന്ത്രിയുടെ ഇടപെടല്‍ തേടിയതെന്ന് ശോഭ സുരേന്ദ്രന്‍ പറഞ്ഞു. ദേശീയ അധ്യക്ഷന്‍ വിളിച്ചയോഗത്തിലാണ് ദീര്‍ഘകാലത്തെ ഇടവേളയ്ക്കു ശേഷം ശോഭ സുരേന്ദ്രന്‍ പങ്കെടുത്തത്.