ന്യൂഡൽഹി
കോൺഗ്രസിൽനിന്നു നേതാക്കൾ ഒന്നിനു പിറകെ ഒന്നായി കൊഴിഞ്ഞുപോകുന്നതിൽ ആശങ്ക രേഖപ്പെടുത്തി പാർട്ടിയിലെ ജി-23 നേതാക്കൾ.
മുൻ കേന്ദ്രമന്ത്രി അശ്വനി കുമാർ പാർട്ടി വിട്ടതിനു പിന്നാലെ ഗുലാംനബി ആസാദും ആനന്ദ് ശർമയും മനീഷ് തിവാരിയും അടക്കമുള്ള നേതാക്കളാണ് കോൺഗ്രസ് നേതൃത്വത്തിനു പുതിയ നിർദേശങ്ങളുമായി രംഗത്തെത്തിയത്. അശ്വനികുമാർ അടക്കമുള്ളവരുടെ രാജിയിൽ കോൺഗ്രസ് ഉന്നത നേതൃത്വം മൗനം തുടരുമ്പോഴാണ് നേതാക്കൾ ഇതിനെതിരേ രംഗത്തെത്തിയിരിക്കുന്നത്. നേതാക്കളുടെ കൊഴിഞ്ഞുപോക്ക് ഗുരുതര പ്രശ്‌നമാണെന്ന് ഇവർ ചൂണ്ടിക്കാട്ടുന്നു.
വിഷയത്തിൽ പാർട്ടി ഗൗരവമായി ആത്മപരിശോധന നടത്തണമെന്നാണ് ഇവർ ആവശ്യപ്പെട്ടിരിക്കുന്നത്.
അശ്വനികുമാർ പാർട്ടി വിട്ടത് ദുഃഖകരമാണെന്നും ഇവർ പറഞ്ഞു.