പാലക്കാട്: അട്ടപ്പാടിയില്‍ ആദിവാസി കുടുംബങ്ങള്‍ക്ക് വാസയോഗ്യമല്ലാത്ത വീട് നിര്‍മ്മിച്ചുവെന്ന പരാതിയില്‍ എച്ച്.ആര്‍.ഡി.എസിനെതിരെ സംസ്ഥാന എസ്.സി എസ്.ടി കമ്മീഷന്‍ കേസെടുത്തു. ആദിവാസി ഭൂമി പാട്ടത്തിനെടുക്കാന്‍ ശ്രമിച്ചുവെന്ന പരാതിയും കമ്മീഷന്‍ അന്വേഷിക്കും.

എച്ച്.ആര്‍.ഡി.എസിനെക്കുറിച്ചുള്ള പരാതികളില്‍ ജില്ല കളക്ടര്‍, എസ് പി എന്നിവരോട് റിപ്പോര്‍ട്ട് സമര്‍പ്പിക്കാനും കമ്മീഷന്‍ നിര്‍ദ്ദേശിച്ചു. രണ്ട് ലക്ഷം രൂപ ചെലവ് വരുന്ന വീടുകളാണ് ആദിവാസികള്‍ക്കായി അട്ടപ്പാടിയിലെ മൂന്ന് പഞ്ചായത്തുകളില്‍ എച്ച്ആര്‍ഡിഎസ് നിര്‍മിച്ചത്.

എന്നാല്‍ വന്യമൃഗ ശല്യം കാരണം പല വീടുകളും പൊളിഞ്ഞുപോയിരുന്നു. ഷോളയാര്‍ പഞ്ചായത്തിലെ എന്‍ജിനിയര്‍ വീടുകള്‍ വാസ യോഗ്യമല്ലെന്ന് റിപ്പോര്‍ട്ട് നല്‍കിയിരുന്നു.
സ്വപ്ന സുരേഷിന് ജോലി നല്‍കിയ സ്ഥാപനമാണ് എച്ച്.ആര്‍.ഡി.എസ്.