വടകര: എടോടി മുതല്‍ റെയില്‍വേ സ്റ്റേഷന്‍ വരെയുള്ള ഗതാഗതക്കുരുക്ക് ഒഴിവാക്കുന്നതിന്റെ ഭാഗമായി ഏര്‍പ്പെടുത്തിയ ട്രാഫിക് പരിഷ്‌കരണവുമായി എല്ലാ വാഹനങ്ങളും സഹകരിക്കണമെന്ന് ട്രാഫിക് പൊലിസും റെയില്‍വേ അധികൃതരും ആവശ്യപ്പെട്ടു.
റെയില്‍വേ സ്റ്റേഷനിലേക്കു പ്രവേശിക്കുന്ന എല്ലാ വാഹനങ്ങളും സ്റ്റേഷന്റെ കിഴക്കുവശത്തുള്ള റോഡിലൂടെ കീര്‍ത്തിമുദ്ര തിയേറ്റര്‍ റോഡിലൂടെ വേണം മെയിന്‍ റോഡിലേക്കു പോകാന്‍. സ്റ്റേഷന്‍ പരിസരത്തുള്ള റോഡരികില്‍ ഇനി മുതല്‍ കാറുകളും ബൈക്കുകളും നിര്‍ത്തിയിട്ടു ഗതാഗത തടസമുണ്ടാക്കരുത്.
നിയമം ലംഘിക്കുന്നവര്‍ക്കെതിരേ നടപടി സ്വീകരിക്കുമെന്നും അധികൃതര്‍ അറിയിച്ചു.