ദുബൈ: ദുബൈയിലേക്കുള്ള യാത്രക്കാര്‍ക്ക് റാപിഡ് പി.സി.ആര്‍ ടെസ്റ്റ് ഒഴിവാക്കി. ഇന്ത്യ പാകിസ്താന്‍ ബംഗ്ലാദേശ് ശ്രീലങ്ക എന്നീ രാജ്യങ്ങളിലെ എല്ലാ എയര്‍ പോര്‍ട്ടുകളില്‍ നിന്നും ദുബൈലേക്ക് വരുന്ന യാത്രക്കാര്‍ക്ക് ഈ ഇളവ് ബാധകം. ഇളവ് ഇന്ന് മുതല്‍ പ്രാബല്യത്തില്‍ വന്നു.

എന്നാല്‍ 48 മണിക്കൂറിനിടയിലെ ആര്‍.ടി.പി.സി.ആര്‍ റിസള്‍ട്ട് നെഗറ്റീവ് വേണമെന്ന പ്രോട്ടോകോളില്‍ മാറ്റമില്ല. ദുബൈയില്‍ എത്തിയാലും എയര്‍പോര്‍ട്ടില്‍ വച്ച് ടെസ്റ്റ് ഉണ്ടാകും.നെഗറ്റീവ് റിസള്‍ട്ട് വരുന്നത് വരെ ക്വാറന്റൈനില്‍ ഇരിക്കണം എന്നാണ് ദുബൈ എയര്‍പോര്‍ട്ട് അതോറിറ്റി യുടെ സര്‍ക്കുലര്‍ പറയുന്നത് .

അതേസമയം, യുഎഇയിലെ മറ്റ് എമിറേറ്റുകളിലേക്ക് യാത്ര ചെയ്യുന്നവര്‍ കേരളത്തിലെ വിമാനത്താവളത്തില്‍ നിന്ന് റാപിഡ് ടെസ്റ്റ് എടുക്കണം.