മലപ്പുറം: വെട്ടം പഞ്ചായത്തില്‍ സിപിഎമ്മിന് വെല്‍ഫെയര്‍ പാര്‍ട്ടിയുടെ പിന്തുണ. വെല്‍ഫെയര്‍ പാര്‍ട്ടിയുടെ പിന്തുണയോടെ സിപിഎം അംഗം കെ.ടി റുബീന ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സനായി തെരഞ്ഞെടുക്കപ്പെട്ടു. വെല്‍ഫെയര്‍ പാര്‍ട്ടിക്ക് ഒര് സീറ്റും യുഡിഎഫിനും എല്‍ഡിഎഫിനും രണ്ടും എന്നിങ്ങനെയായിരുന്നു. വെല്‍ഫെയര്‍ പാര്‍ട്ടി അംഗത്തിന്റെ വോട്ട് കൂടി കിട്ടിയതോടെ രണ്ടിനെതിരെ മൂന്ന് വോട്ടുകള്‍ക്ക് സിപിഎം അംഗം ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സനായി തെരഞ്ഞെടുക്കപ്പെടുകയായിരുന്നു.
20 അംഗങ്ങളുള്ള വെട്ടം പഞ്ചായത്തില്‍ എല്‍ഡിഎഫ് 9 യുഡിഎഫ് 10 വെല്‍ഫെയര്‍ പാര്‍ട്ടി 1 എന്നിങ്ങനെയാണ് കക്ഷിനില. പ്രസിഡന്റ്, വൈസ് പ്രസിഡന്റ് തെരഞ്ഞെടുപ്പില്‍ നിന്ന് വെല്‍ഫെയര്‍ പാര്‍ട്ടി വിട്ടുനിന്നിരുന്നു.