കണ്ണൂര്‍: കണ്ണൂരിലെ സി.പി.എം പ്രവര്‍ത്തകന്‍ ഹരിദാസന്റേത് രാഷ്ട്രീയ കൊലപാതകമെന്ന് എഫ്.ഐ.ആർ
 ഹരിദാസനോടുള്ള രാഷ്ട്രീയ വൈരാഗ്യമാണ് അക്രമത്തിലേക്കും കൊലയിലേക്കും നയിച്ചതെന്ന് പൊലിസ്  വ്യക്തമാക്കി. സംഭവത്തില്‍ നാല് പേരെയാണ് അറസ്റ്റ് ചെയ്തിരിക്കുന്നത്. ഇവര്‍ ആര്‍.എസ്.എസ്, ബി.ജെ.പി സജീവ പ്രവര്‍ത്തകരാണ്. വിമിൻ, അമൽമനോഹരൻ, സുമേഷ്, ലിജേഷ് എന്നിവരാണ് അറസ്റ്റിലായത്. ബി ജെ പി മണ്ഡലം പ്രസിഡണ്ടാണ് അറസ്റ്റിലായ ലിജേഷ്. ഗൂഢാലോചന കുറ്റം ചുമത്തിയാണ് നിലവില്‍ അറസ്റ്റ് ചെയ്തിരിക്കുന്നത്.

തിങ്കളാഴ്ച പുലർച്ചെയാണ് സി.പി.എം പ്രവർത്തകനായ ഹരിദാനെ വെട്ടിക്കൊലപ്പെടുത്തിയത്.ആർ.എസ്.എസ് പ്രവർത്തകരാണ് കൊലപാതകത്തിന് പിന്നിലൊണ് സി.പി.എം ആരോപണം.