കോഴിക്കോട്: സ്ലാബിട്ട് നവീകരിച്ച കുണ്ടുങ്ങല്‍, കുത്തുകല്ല്, മാളിയേക്കല്‍ തോടിന്റെ ഉദ്ഘാടനം എം.എല്‍.എ എം.കെ മുനീര്‍ നിര്‍വഹിച്ചു. എം.എല്‍.എ ഫണ്ടില്‍ നിന്നും 50 ലക്ഷം രൂപ ചെലവഴിച്ചാണ് തോട് നവീകരിച്ചത്.
28 മീറ്റര്‍ തോടു കൂടി പൂര്‍ത്തിയാകേണ്ടതുണ്ട്. അതു പൂര്‍ത്തീകരിക്കാന്‍ 80 ലക്ഷം രൂപ ആവശ്യമാണ്.
എം.പിമാരുടെ ഫണ്ടില്‍ നിന്നും 25 ലക്ഷം രൂപ വീതം നല്‍കുകയാണെങ്കില്‍ തന്റെ ആസ്തി വികസനഫണ്ടില്‍ നിന്നും 30 ലക്ഷം രൂപ കൂടി ചെലവഴിച്ച് തോടിന്റെ നിര്‍മാണം പൂര്‍ത്തീകരിക്കും.
അതിനുള്ള ശ്രമങ്ങള്‍ ആരംഭിക്കുമെന്നും എം.കെ മുനീര്‍ പറഞ്ഞു. വാര്‍ഡ് കൗണ്‍സിലര്‍ സി.അബ്ദുറഹ്മാന്‍ അധ്യക്ഷനായി. കെ.മൊയ്തീന്‍ കോയ,ടി.വി കുഞ്ഞായിന്‍ കോയ,എസ്.കെ അബൂബക്കര്‍, സി.പി ഉസ്മാന്‍ കോയ,ഇറിഗേഷന്‍ വകുപ്പ് അസിസ്റ്റന്റ് എന്‍ജിനീയര്‍ സി. അജയന്‍, എം.പി കോയട്ടി, ഫൈസല്‍ പള്ളിക്കണ്ടി, ഇ.പി അഷ്‌റഫ്, എ.ടി മൊയ്തീന്‍കോയ,ഐ.പി അഷ്‌റഫ്, പി.പി അബ്ദുസമദ് എന്നിവര്‍ സംസാരിച്ചു.